章小蕙前男友陳曜旻（白頭陳）正式破產，章小蕙昨日透露陳曜旻以平常心面對，並指他已開始從事製衣工作。章小蕙稱自己現處於苦捱階段，只能盡量開解對方。
章小蕙的前男友陳曜旻（白頭陳）前日被法庭批准破產，昨日章小蕙身穿PaulSmith服裝，配襯LV手袋和Chanel頭飾在其中環時裝店見記者，她稱近期甚少聯絡陳曜旻。
章小蕙說：「佢係平常心面對（破產），語氣好輕鬆，我作為朋友，只能夠開解佢，盡量幫佢，雖然我都重捱緊。」問章小蕙白頭陳現在的財政狀況如何？她說：「咁財政一定係有問題先會破產，不過佢都開始做番嘢，做番老本行製衣。」
問章小蕙白頭陳會否從法國回港處理破產事宜？她說：「佢從來冇去過法國，返唔返香港我就唔清楚，都唔方便做佢發言人。」她生命中兩個重要男人白頭陳和前夫鍾鎮濤（阿B）同一時間破產，章小蕙有何感想？她說：「我同阿B結婚十年，同Edmund（白頭陳）拍拖七年，十七年佔咗我生命嘅一半。𠵱家我去到另一階段，為自己打算。」章小蕙又強調不會與陳曜旻復合。
問到范姜告章小蕙媽媽的進展如何？章小蕙說：「我媽媽都七十幾歲，重告佢？我媽媽手頭上重有好多『橙箱』，重可以搵番佢（指范姜）誹謗嘅資料。」
此外，范姜昨晚往金鐘出席Harper'sBazaar頒獎禮時，得悉章小蕙透露母親隨時反告她，范姜揚言不會氣怒，她理直氣壯說：「我做咗啲乜嘢會俾人告？今日你哋唔係講佢（章小蕙）男朋友啲嘢咩？真係好唔明點解會轉到我身上。我唔知我做過啲乜？我只係為自己討回公道。」
章小蕙又指其母有一箱資料可作證據，范姜說：「我唔知有乜罪證，我只係保護番自己嘅權利同人格，話我蝦七十幾歲嘅阿婆，佢係七十幾歲，但我唔係蝦佢，𠵱家唔係話你七十幾歲，我就要坐喺度俾你蝦。」范姜拒絕透露她告章媽媽的進度，只表示已交由律師跟進。
採訪：梁錦雯、顏英儀
攝影：何國豪