阿松話因為好忙唔去北京，講就係咁講，有冇人信就係另一回事，不過八方聽到一個古仔，就同阿松訪京有多少關係。
話說今日立法會單仲偕問咗條最緊密經貿關係嘅質詢，原本應該係阿松答，點知佢一撥就送咗去唐公子枱面，但咁啱唐公子要陪老董去開APEC，於是條問題就轉送咗去葉澍堃個in-tray入面。
葉局長左睇右睇，好似唔係好知點答好，於是打個電話去畀單仲偕，問佢改吓條問題得唔得，單仲偕反正想問財赤，於是去問立會秘書處，誰不知因為重陽假期放咗一日假，結果過咗法定七日通知期限，改唔到！
八方為呢個傳聞走去問單仲偕，佢扭扭揑揑咁話唔好講喇，反正𠵱家始終係阿松答，件事就無謂再講！不過八方奇怪，最緊密經貿關係真係咁難答咩？
傳真︰2623-9278
電郵︰