謝霆鋒串謀妨礙司法公正一案，前日被律政司司長要求覆核刑期，在這個令霆鋒煩透的日子裏，其女友張栢芝上周出席楊其龍一個派對時，有人現場目睹楊其龍對栢芝大獻殷勤，但遭到栢芝冷淡對待。
上周三謝霆鋒的頂包案審結後，身為女友的張栢芝高興得相約友人外出狂歡，而楊其龍亦透過栢芝的胞弟張豪龍，邀請她到KeeClub消遣，同場還有栢芝的舊愛陳曉東。據悉當晚楊其龍對栢芝大獻殷勤，不時要與她碰杯，並熱情地主動攬腰搭膊頭，其後又問她索取電話號碼。
據當晚有份在場的人士說：「楊其龍對栢芝真係熱情到過咗頭，但栢芝個心只得霆鋒，對佢嘅態度似乎好抗拒咁。」霆鋒近日正值多事之秋，楊其龍卻對其女友栢芝如此熱情，當時在場不少圈中人都感到奇怪，而栢芝亦似乎擔心其他人的閒言閒語會使到霆鋒有所誤會，故此刻意對楊其龍保持距離。
不過最近坊間卻流傳着另一個版本，謂某人透露栢芝對他有意，並主動展開追求，由於栢芝亦有所聞，所以她十分憤怒。昨日記者向栢芝的經理人公司負責人李小姐求證，她在電話中說：「有啲人自己做過乜，自己心知肚明，我哋唔想多講，唔想幫人做宣傳。」記者追問栢芝是否為楊其龍的緋聞感到不開心時，李小姐說：「總知我哋替栢芝唔值啦！」
記者昨日亦致電楊其龍，他說：「唔係嘛！點解會咁講，我對當晚每個嘉賓都一樣，每個嘉賓嚟到，我都會盡量令佢哋舒服，張栢芝可能係特別啲，所以我同佢係傾多咗兩句，加上佢第一次嚟我哋party，當然想佢玩得開心啲，不過我唔係對佢有意思，你哋都知我鍾意外籍靚女，你哋唔好聯想同亂想。」
對於有傳聞指某人向朋友認威，吹噓栢芝主動追求他，楊其龍說：「栢芝真係幾靚女，不過佢係霆鋒女友，我又由細睇到佢大，所以朋友女友嘅事，又點可以亂講。」