在港有五十四年歷史的華潤集團，十二月起改用新的標誌；為咗凸顯積極進取、以人為本理念，設計公司EnterpriseIG用咗寓意大地嘅橙黃色做底色，由於「華潤集團」個四個字係集自王羲之的字帖，設計公司就在唐代大書法家顏真卿的顏體「華」字找靈感，最後將顏體「華」字嗰四個人字抽出來組成新標誌，寓意華潤在衣食住行都竭誠做到最好咁話。
至於華潤集團屬下嘅華潤超市、華潤百貨、華潤石油及中藝，因早已各有標誌，未必會改。
華潤集團董事蔣偉重透露咗個好消息，話為咗響應政府一公司一職位呼籲，下月二號會舉行招聘會，請一百個畢業兩三年之大學生，到華潤內地公司工作。
傳真︰2623-9278
電郵︰