忍者龜之父、彩星集團創辦人陳大河繼年初捐咗三千萬畀理大後，最近由普寧同鄉莊世平穿針引線，再捐五百萬予城大。佢噚日出席城大「陳大河綜合會堂」命名儀式，慨歎自己出身貧困，「受現實支配，身不由己，早年為生存努力，中年為事業奮鬥」。現場八方重見到滙豐銀行總經理柯清輝同鍾瑞明，佢哋都係城大校董，柯生更話陳大河係佢多年客仔，「不過佢𠵱家已經退休享福啦。」
早前倡議八大學效法紐約及巴黎大學合併嘅城大校長張信剛，噚日致辭時語調少有地激昂：「我們校友中未有成千上萬有名生意人、未有以百計的政府高官，卻有無比志氣！」，睇嚟佢對李國章開口埋口話，香港嘅大學都屬三、四流非常耿耿於懷。
（圖）忍者龜之父噚日喺城大講自己出身貧困。
傳真︰2623-9278
電郵︰