恒生銀行企業傳訊主管張樹槐前日去咗北京，去做乜？包你估十次都估唔中，係去跑馬拉松！銀行家之中，原來唔止渣打嘅人跑得。大家睇吓張相，張樹槐着西裝就見得多，呢個look罕有啩？
北京國際馬拉松，今年已係第二十二屆，係國際十大馬拉松賽之一，當然亦係北京盛事。今年有來自四十個國家，共二萬一千人參加，比賽跑五個鐘，分為四十二公里、二十一公里、十公里及五公里四個賽程，由天安門廣場出發，經西長安街、釣魚台國賓館、昆玉河畔、亞運村、未來的奧運村，最後跑回國家奧運中心終點。
結果中國的李柱宏及魏亞楠分奪男女子組冠軍。張樹槐跑第幾？睇怕佢自己都唔清楚，但跑晒四十二公里，都唔小嘢！
﹙圖﹚張樹槐參加北京國際馬拉松，跑晒全程四十二公里，確係好嘢！
傳真︰2623-9278
電郵︰