每逢入秋，小記最愛自行炮製滋潤的食品潤一潤，燕窩、雪蛤膏當然好味道，不過價錢貴製法又繁複。其實炮製滋潤菜式都可以經濟又簡單，今次邀請中菜大廚李師傅，為大家示範用平價的雪耳炮製出三味滋潤又養顏的菜式，至於味道如何？我哋搵咗三位試食兵團，評評每款菜合唔合胃口。
記者：區佩嫦攝影：林栢鈞
若然鍾情於賽螃蟹的人，相信一定喜愛這款炒鮮奶。這款菜式用上養顏的鮮奶製成，再配合幼滑的蛋白，入口滑嘟嘟，再加上雪耳的爽滑口感，滑中帶爽，令小記的嘴忙個不停。
材料：
雪耳 3朵
蛋白 5隻
鮮奶 1支
西蘭花 1棵
金華火腿茸 少許
做法：
小貼士：蛋白點炒先唔老？
除咗靠經驗外，控制火候亦十分重要，落蛋時個鑊唔可以太紅，亦不可太凍，當材料放入鑊時，記緊要將爐調校至慢火，重要慢慢炒，咁啲蛋白先至唔會老同燶。
李師傅話，由於雪耳冇乜味道，所以甜食又得鹹食又得，發揮的機會較多，唔食甜的糖水，亦可用雪耳來做湯羹的材料。這款雞茸雪耳羹，雖然雞茸的鮮甜味成為湯羹的主角，但配合雪耳碎的口感，食落口感特別，是雞茸粟米羹以外的另一選擇。
材料：
雪耳 3朵
雞茸 1両
蛋白 1隻
金華火腿茸 少許
雞湯 5碗
做法：
小貼士：雞茸究竟點整？
將雞胸或雞髀蒸至半熟，然後去皮、去骨及切碎，再用少許鹽、糖及生粉醃約一小時便可。
講到滋潤，好多人都會諗起潤喉的糖水，雪耳配合雪梨絕對是滋潤的最佳拍檔，所以李師傅推介呢個冰花雪耳燉雪梨。糖水充滿清甜的雪梨香味，難怪三位試食兵團一致讚好。
材料：
雪梨 1個
雪耳 2両
南北杏 1両
冰糖 3両
做法：
1將雪梨一開八切成八件後，去核。
2把雪耳、雪梨、南北杏及四碗水放入燉盅內燉一個小時，然後加入冰糖再燉半小時即可食用。
小貼士：點解雪梨要去核？
根據中醫角度，梨肉與梨核的效用剛剛相反，若想得到滋潤作用的話，必須要把果核去除，否則食後效用亦不大。
雪耳味甘，性平，具滋陰潤肺，養胃生津，補腎益精，強心健腦，化痰止咳等功效。此外，雪耳亦含有豐富的膠質及蛋白質，能滋潤皮膚，預防皺紋及色斑等，絕對是女性恩物。
浸軟去硬根
雪耳在烹調前的處理方法亦不可忽略，李師傅教路，先將雪耳浸2小時，然後用剪刀去除雪耳底部的硬根，方可烹調。
示範：富豪啟德酒店豪苑總廚李榮華師傅