香港中文大學崇基學院喺一九五一年十月創辦，而今年正正就係五十一周年，為慶祝崇基學院大壽，院方、崇基學生會同崇基學院校友會特登籌劃咗一連串嘅慶祝活動，重廣發新聞稿通知傳媒採訪。點知八方一睇新聞稿，即刻發現一個大問題，學校名竟然錯咗，漏咗個「中」字，只係得「香港文大學崇基學院」。睇嚟，有關方面專心搞好活動之外，都要留意吓對外發放消息嘅事宜。
不過，講番啲慶祝活動，其實都幾豐富，包括開始將學院最具代表性嘅資料放置喺一個五十周年時間囊內，而時間囊會喺二○五一年學院一百周年校慶日開啟。此外，該學院又請到教育統籌局常任秘書長羅范椒芬擔任感恩崇拜的主講嘉賓，其他活動重有環校跑、千人宴等等。
傳真︰2623-9278
電郵︰