羅文去年原本準備灌錄兩首新歌，豈料突然驗出患上肝癌，雖然他已很努力跟癌魔搏鬥，但上周五終與世長辭。
有傳這兩首歌會是羅文的陪葬品，但記者昨日聯絡英皇旗下的MusicPlus唱片負責人甘菁菁時，她斷然否認說：「呢兩首歌唔會用嚟陪葬，因為上年籮記（羅文）未發現自己有癌症時，佢係搵咗林夕填詞，不過只填咗一首，後嚟籮記發現自己有肝癌，所以錄歌嘅事就停咗。」
兩首新歌分別由陳光榮和雲超作曲，雲超的一首歌已由林夕填詞後，而陳光榮的一首則因知道羅文已病了，所以就沒有再填詞。
甘菁菁說：「呢兩隻歌唔會再畀其他歌星用嚟唱，會一直收埋去。」而林夕因為與羅文是好朋友，他亦為好友病逝而感到很傷心。