林子祥前晚在紅館唱完最後一場「港樂林子祥Live演唱會」後，與嘉賓之一的太太葉蒨文一同到紅磡舉行慶功宴。提到已故歌手羅文，阿Lam透露雙方已相識十多年，並經常一同演出，不過葉蒨文則表示與羅文並不相識。
阿Lam說：「我同籮記合作過好多次，一齊做港姐表演嘉賓，又同埋一間唱片公司，但近年冇乜點聯絡，我知佢有病都有打電話問候佢，佢過身嗰日，我唱咗家駒首《海闊天空》，係專登唱畀佢聽嘅，我當時唱得好激動。籮記唔想啲人喊苦喊忽，唔想人哋為佢傷心。」
阿Lam稍後會到內地舉行巡迴演唱會，提到張學友武漢個唱發生塌台傷人意外，阿Lam說：「冇乜嘢擔心，內地fans太過熱情，個台受唔住啫。」