本港三大發鈔銀行之一、渣打銀行周日正式公布在香港招股細節，隨即展開推介活動，噚日中午十二時半喺港島香格里拉酒店搞了一場午飯騷，邀請分析員及證券界到場，向他們講解招股的細節。呢場午飯騷筵開二十席，有九成滿座，但氣氛略為遜色，冇中銀香港招股嗰次咁人山人海，可能與渣打只屬第二掛牌有關。
席間渣打向每位出席者送出一百元作禮物，但唔用得，因為其實係由一張特別印刷嘅百元渣打鈔票所做嘅紙鎮，鈔票的六個號碼，頭三個字都係888，即係888XXX，以記念渣打的上市編號2888。
傳真︰2623-9278
電郵︰