八方噚日見到好耐冇為港交所創業板護航嘅羅嘉瑞醫生，佢「負傷」出席香港證券專業學會嘅生科研討會。羅醫生一到埗就向該會董事郭志標訴苦，八方聽到羅醫生話，上周六去咗上水雙魚河會所騎術學校騎馬，點知突然有隻馬衝過來，羅醫生隻馬受驚起擒，當隻馬前蹄再落地時，有兩年騎馬經驗嘅羅醫生，仍咬咗下唇一下，立時咬出一個血洞。
羅醫生對八方話，雖則佢自己話過唔會嫉妒羅康瑞靚仔啫，但亦接受唔到自己「破相」。八方安慰佢話好彩冇墮馬時，羅醫生竟然話情願墮馬，因為跌落地後打個觔斗就OK，好過撞崩個嘴！邊個話愛美只是女性的天性？不過，羅醫生又唔係「食過夜粥」之人，年紀又有番咁上下……都係小心啲好，行船跑馬三分險呀。
傳真︰2623-9278
電郵︰