周潤發一向熱愛攝影，上周他夥內地攝影名師到北京的萬里長城拍攝晨曦景致。登長城之前，發哥為方便翌日早點出發，竟撇下妻子，與拍友以十元一晚租住炕床。
周潤發近年醉心攝影，只要不用工作，他便會到處獵影，因而認識了一班志同道合的攝影發燒友，每逢周末都會相約到處拍照。上周發哥與發嫂及五位拍友一起遠赴北京，參加攝影交流會，與內地一些攝影名家研究攝影技術，並到萬里長城拍照。
上周三（十六日）發哥與二十位拍友到萬里長城視察環境，準備拍晨曦照。由於翌日清晨四時便要到長城放置攝影機，所以發哥當晚與眾人在長城附近一個破村落住了一晚。
發哥說：「嗰晚我同二十幾個攝影發燒友一齊喺長城附近一個村落過咗一晚，嗰度設備好簡陋，我同佢哋都係瞓炕（按：北方人用土壤或磚塊砌成長方形台，上面鋪蓆，下面燒火取暖），十蚊人民幣一個床位，我同十幾人瞓埋一齊。不過嗰晚我瞓得唔係幾好，因為啲拍友嘅鼻鼾聲太勁。」
發哥續說：「老婆雖然陪埋我嚟北京，但嗰晚太辛苦，所以我叫佢留喺五星級酒店休息，第二朝三點起身出發去長城，連埋當地幫我哋攞行李嘅苦力，一行三十幾人浩浩蕩蕩上長城最高處，準備等日出時影晨曦。
「嗰日天氣唔係咁好，我都係影咗一張黑白相啫，然後就同拍友落山食午飯。三點再上去影黃昏照，可惜霞氣未散，拍出嚟嘅相始終唔夠好，不過今次有機會去長城同內地名師一齊影相，心情好興奮。」
記者陳月媚北京直擊