章小蕙男友陳曜早前以個人名義申請破產，昨日在高等法院審理，聆案官龍劍雲接受其申請，正式頒令陳曜旻破產。陳曜昨日由律師代表出庭。而他生命中兩個重要的女人，章小蕙與女兒陳小韻，前者要等今天穿套靚衫才回應。而陳小韻則表示一向過着獨立生活，父親破產對她來說沒甚影響。
早前陳曜旻以個人名義入稟申請破產，昨日在高等法院審理。陳曜旻由代表律師，Chan,Wong&Lam的余律師代表出庭，而聆案官龍劍雲在一分鐘內宣布接受陳曜旻申請破產。
記者隨後走訪陳曜旻女友章小蕙的時裝店，店員稱她昨天不會返時裝店。其後，記者致電章小蕙，她在電話中說：「我今日唔會返舖，我會聽日（即今天）先有說話發表。我聽日會換套靚衫先同大家講。」
記者再致電陳曜旻女兒陳小韻（Cara），她得知父親正式被頒令破產後，反應十分冷淡說：「咁又點啫？」
再問她其父破產會否影響她的生活？Cara說：「對我冇影響噃，我嘅生活一向係自己處理嘅，𠵱家住緊層樓係自己租嘅。況且我咁耐都係自己照顧自己㗎啦，而且法律嘅嘢我唔熟，你問我，我都唔識答你。」
問Cara陳曜旻是否已返港？她則說：「我唔知，就算知都唔會話畀你哋聽啦！佢都係今日先頒布破產，要安排返港都冇咁快。我最想講嘅係，佢係我爸爸，點都唔使我擔心啦！」
而同樣獲法庭接受破產的鍾鎮濤（阿B），其女友范姜昨日與助手往中環置地廣場購物，她稱選購生日禮物給朋友。
本月二號是范姜生日，但阿B沒有送禮物給她。范姜又表示阿B現在心情不俗，她說：「佢乜都會以平常心去面對，𠵱家佢同林建岳傾緊或者明年初喺紅館再開演唱會。」
案件編號：HCB13955/2002