三十九歲的阿明，原從事飲食行業，兩年前，因為一次意外，身體被嚴重燒傷，留醫接近兩年，早前終於獲准出院，展開新的生活。「終於可以出院，心情都好興奮，但就煩緊未有地方落腳。」阿明幽幽地說。
劫後餘生的阿明，早前獲房屋署恩恤編配公屋，然而他身無長物，仍為籌措上期按金及各項搬遷雜費而煩惱，暫時未可遷進新居。「我𠵱家嘅傷還未完全康復，冇辦法做嘢，突然間要用咁大筆錢，都要呢度借啲，嗰度借啲。」
事實上，阿明逾四成七的身體經歷過嚴重燒傷，除了留下一身永不磨滅的烙印外，活動功能亦大受影響。「我大大話話做咗成十幾二十次植皮、矯形手術，不過，𠵱家雙手重唔係咁靈活，扭毛巾都唔夠力，重要做物理治療、職業治療，同埋定期見精神科醫生。」出院後的阿明，現靠綜援金維持生活。
身處家徒四壁的新居，阿明顯得十分無奈，早前遂透過露宿者行動委員會向本報求助。該會義工周先生表示：「我哋跟進過阿明嘅情況，都好想幫佢快啲入伙，盡快適應番呢個社會，過正常人嘅生活。」
蘋果日報慈善基金有見阿明的境況，撥款五千元助他繳付上期按金及應付各項搬遷開支，惟一室的基本家具及家庭電器，包括睡床、煮食爐具、雪櫃、電視機、風扇等，仍有待善長捐助。
捐款編號：C0723
暖流熱線
電話：29908688
傳真：23702192
電郵：
網址：