講起AnsonChan，好多人都認定係陳方安生，冇辦法，陳太稱得上係香港嘅代表人物，唔做官，影響力都冇少到。不過咁樣講，可能對其他Anson唔多公平。
話說較早前，扶輪社為成龍主演嗰套《特務踢死兔》搞首映，幫內地衞生部門籌款。扶輪社當日請咗好多嘉賓去，其中一個叫AnsonChan，公關公司重用中文寫明係陳方安生，結果鬧出大笑話。
八方好多老友當晚等極都唔見陳太，重以為佢爽約！後來真係有一位Anson到場，不過佢係男唔係女，亦都冇梨渦四萬，佢係陳樹渠長子陳耀璋，即係之前同奀妹傅天穎傳過緋聞嗰位仁兄！
呢位猛男Anson到場之後滿場飛，公關公司先知原來太過當然，搞錯人名。有啲見唔到陳太一面嘅人就好勞氣咁話，第日改名要小心啲，姓陳就唔好叫Anson！
（圖）陳耀璋曾經同奀妹傅天穎傳過緋聞。
傳真︰2623-9278
電郵︰