港大出書活動搞足幾日，八方日前喺度登咗一幅當年港大選MissHKU嘅歷史照片，馬上收到唔少八字頭人馬電話報料，問八方認唔認得企喺港大小姐旁邊個男人係邊個？
係好面善，但一時間講唔得出個名。開古，個男人係詹德隆，九七前猛叫香港人走佬嗰位老哥。至於呢次歷史性嘅選美，搞手重有現任立法會議員周梁淑怡。重有一樣嘢要澄清，李國能唔係港大畢業生，但係因為佢老婆係，所以有乜活動都有佢份。
至於上次刊登JohnChan陳祖澤幅舊相，阿John話係佢十六歲讀中學時影嘅，唔怪得大家唔認得佢。
傳真︰2623-9278
電郵︰