誰是下屆民主黨主席一直係白鴿黨嘅敏感問題，任你點問都冇人畀答案你，雖然人人都知時間無多，只有一個多月就改選。
直至最近，事情開始有眉目，首先係李永達親口對八方話自己冇縮沙唔肯做主席，但係覺得自己做副主席更好，因為有好多地區嘢未做完。然後張文光又話，無論係達仔、楊森抑或何俊仁做主席都好，有佢哋三個一齊上就掂。
𠵱家嘅形勢好清楚，就係馬丁同華叔呢類重量級人馬若要退，實在難有一人可取代，日後白鴿黨只好走集體領導模式，實行「三劍合璧」，邊個做正主席都冇所謂。
楊森仔女細要時間照顧，記者搵佢都唔易搵到，何俊仁又要保釣又要搞呢樣嗰樣，最怕到時佢以乜嘢主席身份講嘢都會記錯，所以數落嚟，達仔都好難走得甩，睇怕有人要接梗呢支民主棒了。
傳真︰2623-9278
電郵︰