白鴿黨黨魁李柱銘冒着被左派指他抹黑香江之名嘅危險，同人權分子羅沃啟匆匆赴美，為嘅係特區政府要為二十三條立法，八方問白鴿黨中人，馬丁為何忽然那麼勇猛，既罕有地當起黨內二十三條工作小組嘅負責人，又坐言起行即刻出發？
知情人說，馬丁過去成年時間都為小甜甜與家翁爭產案忙，今番政府推出顛覆法，真係事關重大，唔到佢唔理；加上小甜甜案剛好審完，真係有如放虎歸山，梁愛詩同葉劉都有排唔得閒。
據八方收料，民主派呢仗肯定唔易打，因為老董佢哋亦學會咗游說老外，已經日以繼夜咁見啲駐港嘅外國使節解畫。至於馬丁，亦可能去得唔係幾啱時間，因為花旗國掛住反恐，而美國司法部部長剛好呢個星期嚟香港訪問，同馬丁緣慳一面。
傳真︰2623-9278
電郵︰