八方收到歐資大證券行里昂研究報告，話行內流傳新加坡報業集團有興趣收購《南華早報》。去問新加坡報業，佢哋好正式咁否認。
八方睇完份報告，有啲開心，事關里昂將三個報業集團（《南早》、新加坡報業同埋《蘋果日報》）人均員工對公司貢獻作出比較；結果，《蘋果》以1.57領先；《南早》為1.18；新加坡報業則只係1.09。肥佬黎下次裁員，睇怕冇咁重手啩？
報告又透露《南早》諗緊將部門合併，將現時四至五叠紙，改為兩至三叠紙。減少叠數後，證券行估計可以減少編採部百分之五至十人手，盈利相應可增加百分之十五。另外，《南早》與新入職嘅助理編輯簽合約時已不再以年計，而是以月計，似方便隨時cut人。八方呢兩日都搵唔到《南早》管理層求證，但若上述消息屬實，可見呢行嚴冬仍未過，實在令人傷感。
傳真︰2623-9278
電郵︰