科大校長朱經武喺美國時好鍾意行山，但係佢嚟咗科大一年幾都未行過，噚日科大創校以嚟第一次籌款，搞咗個「科大行」行山活動，籌錢起學生宿舍，由朱校長帶隊，千幾人一齊行。佢果然寶刀未老，用咗四十五分鐘就行完原本一個半小時嘅路程。
朱校長話今次行山一嚟可以籌錢，又有成千幾人一齊行，可以提升「科大精神」。朱校長好受歡迎，沿途不時有學生要求同佢影相簽名。行過電視城嘅古裝街，朱校長重扮衙差，手持類似關刀嘅武器，好威風！佢話：「原來古裝街好細，睇戲重以為好大㖭。」
（圖）「科大行」籌款活動由校長朱經武、董事局主席陳祖澤、副監督及顧問委員會主席鍾士元舉行開步禮。 成啓聰攝
傳真︰2623-9278
電郵︰