八方收到風，話新城財經台喺中環中心四十七樓嘅辦公室，今年底，租約未滿，就要搬回紅磡黃埔花園商場。不過，喺一樓嘅直播室，據悉會保留，方便嘉賓上嚟做直播節目。
新城電台開台以來都冇乜錢賺，母公司和黃集團董事總經理霍建寧曾經以雞肋嚟形容新城，即係「食之無味，棄之可惜」。霍大班重公開落咗order，「新城要賺錢，由雞肋變雞髀」，雖然行政總裁甘國亮話𠵱家新城已經由「由雞肋變成雞翼尖」，但要變雞髀就尚須努力；經濟差，廣告收益有限，自然要諗方法節省成本，搬番去「船底」不失為一個可行辦法。
（圖）新城嘅「基地」設喺外形似一隻船嘅黃埔花園商場。
傳真︰2623-9278
電郵︰