羅文逝世，身旁好友、徒弟、圈中人均傷心難過，陳小春在懷念羅文的節目中更失聲痛哭。前晚他在金鐘出席「仁濟三十五週年珊瑚聚晚宴」時，重提羅文依然哀傷，他說：「佢喺我心目中係天皇巨星，亦係唯一一個。」
而小春透露周五於台灣收到羅文死訊，一直心戚戚，但他周六凌晨與張栢芝等人在KeeClub狂歡，情緒高漲，心情似乎恢復得極快，記者問他當晚心情？小春理直氣壯地說：「去玩梗係開心啦，去得玩唔通唔開心咩？成班朋友一齊玩咪開心囉。」
小春昨日在無綫活動即補鑊說：「我都覺得自己去玩唔啱，但籮記唔喺度唔代表世界停頓，唔係唔去玩喺屋企就有用，我哋應將佢未完心願做埋佢。」
採訪：王連連
攝影：仇志德