早前，林寶堅尼香港代理運嚟全新Murcielago跑車（見圖），2002同2003#年嘅配額瞬即被一掃而空，可見車迷對呢部Murcielago嘅評價之高，係毋庸置疑嘅。其後，廠方透露會依據呢款Murcielago跑車，推出尺碼較細嘅BabyLamborghini（廠方代號為LP140），風聞嘅車迷更急不及待向代理查詢及落訂，聽聞願意一擲10萬元定金嘅準買家亦唔少，惟產量有限，想擁有嘅話就真係要行快步喇！
據知新車初稿，體形跟現有Murcielago相近，大抵會以一台5.0公升V10引擎作骨幹（馬力約500匹），而向來嘅鷗翼式車門設計，則會改為傳統車門開關，惟廠方預期呢部可望2003年底前投產嘅BabyLamborghini，性能及操控性更可媲美法拉利F360以上車系咁話，各位車迷不妨拭目以待喇！