【本報訊】在行政長官董建華一聲令下要全力打擊非法勞工，以解決持續高企的失業率，打擊黑工成為入境處處長黎棟國的首要任務，這對剛被調派主管打擊黑工數月的助理處長黎振庭來說，無疑是身負重任。
據了解，與入境處長黎棟國同屬改革派的黎振庭，由於工作勤快，辦事效率極高，而且思想開明大膽，肯接納不同意見，甚得黎棟國歡心，所以黎振庭早已被處內的人視為未來處長第三梯隊的接班人。
消息人士稱：「只要佢認為可取嘅事，佢都會極力爭取，唔怕強權！而且只要你呢頭交文件畀佢，佢會轉頭就處理好交番畀你，佢張寫字枱永遠都唔會有積壓嘅文件，冇乜邊個高層官員可以做得到？」
部份曾是黎振庭下屬的員工均高度稱讚他是世間難得的好上司，有員工語帶悲傷地說：「黎Sir好有責任感同承擔，從來都唔會畀太多壓力夥計，而且做事永遠係針對事而唔係針對人，所以成班夥計都好擁戴佢，今次佢嘅死令到我哋好傷心同可惜，因為佢真係一個難得嘅好老細。」
入境事務主任協會主席趙士偉表示，該會對黎振庭遽然離去感到突然及非常難過，但該會呼籲同事要在悲傷中緊守工作崗位，該會並已聯絡部門福利組，商討如何協助黎振庭的家屬處理其身後事。提及黎振庭今次遽然逝世可能與工作壓力有關，趙士偉認為，現階段不宜對黎振庭的死因妄下判斷。
有負責打擊非法勞工的調查科入境處人員承認，自從港府下令全力打擊非法勞工以來，該科打擊黑工的行動便有增無減，高峯期曾試過一個星期便有四、五次拘捕黑工行動，但工作壓力不算太嚴重，無損員工士氣。