蕭正楠、韓君婷、關心妍及舒雅頌等，昨日於尖沙嘴出席《仁濟愛心飛躍珊瑚夜》節目拜神儀式，眾人因羅文逝世而顯得沒精打采，而蕭正楠亦透露其父親患上癌病。
蕭正楠說：「同癌魔搏鬥好辛苦，希望籮記嘅親友唔好咁傷心，佢生前以樂觀態度對抗癌魔，冇放棄自己，唔似得有啲人為少少錢或者感情嘅嘢就話要死。我爸爸都有癌病，佢都好樂觀面對，醫癌病要使好多錢㗎。」蕭正楠表示為了幫補父親醫藥費，他讀書時已兼職模特兒賺錢，減輕家庭負擔。
舒雅頌於《歡樂今宵》時代曾與羅文合作，她說：「我哋近幾年好少聯絡，我睇報紙知道佢病情，佢好叻，同癌魔戰鬥咁耐，佢離開我哋係好可惜嘅事，大家會掛住佢嘅。」