嘉碧儀與麥浚龍（Juno）拍攝MV時，有消息指Juno有意追求她，當時嘉碧儀連聲否認。原來她於美國讀大學時曾經談戀愛，但因為性格不合以及雙方年紀小關係，這段情還是無疾而終。
嘉碧儀說：「其實喺美國有啲人十一、二歲已經拍拖，但我就一向都隨緣，如果情投意合嘅話都會一齊。」嘉碧儀坦言現時感情生活一片空白，她說：「我𠵱家都未有人追，有先再算啦，況且我都冇咁多時間拍拖。」
至於擇偶條件方面，嘉碧儀表示最緊要男友有一顆善良的心，她說：「其實外表唔係咁重要，但要合眼緣，最緊要大家夾得嚟。我絕對唔會為遷就男友而改變自己嘅性格，我亦唔係一拍拖就全情投入嘅人，因為我好多嘢都想試，同埋亦要以事業為主。」