近排碟場動畫當道，繼《怪獸公司》叫好又叫座後，又有《美麗密語》、《美女與野獸》等，今個星期最新到的有電腦動畫《冰河世紀》。《冰》係今年復活節檔期猛片，全劇「少說話、多做事」，一家大細睇就至啱。
記者、攝影：朱崇德
《冰河世紀》主要講述長毛象文輝，聯同樹獺森仔和劍齒虎大阿哥，在冰天雪地之下護送一個小孩子回家，當中的過程極盡驚險、搞笑同溫馨之能事。記者喜歡此劇的一大原因，是它「少說話、多做事」，對白恰到好處，有些劇情還純以卡通人物動作及面部表情作交代，唔似日本某些動畫，廢話理論連篇！導演傑士偉特曾經以一套冇對白，純以卡通人物動作及表情交代劇情的《Bunny》，贏得了1998年奧斯卡最佳動畫短片獎！
$138（3區）
發行：得利影視
森仔踩屎又俾女擒
「精采刪剪片段」嘅邂逅篇好鬼馬，裏面有一幕講森仔差啲俾女「擒」，以為好彩走得甩，點知黑仔到再踩屎！
鼠奎特個人Show
成套戲冇出過聲，但成日為咗一個松果搞到雪崩地震嘅鼠奎特（可能唔係咁多人知佢有名），特別收錄咗有好多佢嘅演出，有啲係Promotion片段，亦有些從未在戲院上公映，喜歡鼠奎特嘅人必睇！
5重角度教你點畫電影動畫
今次呢隻《冰河世紀》玩多角鏡頭都算幾激！Bonus內有一個5重「多角度鏡頭」短片，由動畫分鏡劇本、3D構圖、未着色動畫、已着色成品、合成以上各項全部落齊，睇完唔知會唔會教曉你畫電腦動畫呢？
DVSHOP
電話：21949100
地址：深水埗福榮街107號舖
*到DVSHOP購買《冰河世紀》DVD可獲電影海報一張或手機繩一條，送完即止。