蘇永康與安雅早前因服食搖頭丸在台灣被捕，被判入土城台北看守所強迫勒戒，事後二人均表示會減少蒲夜店。
前晚康仔和安雅先後到中環蘭桂坊KeeClub，出席「Panerai潛水錶派對」。蘇永康與安雅相遇時，二人還親切地合照。康仔說：「今日係畀面派對，我之前推咗好多次冇出嚟，今日咪出嚟囉。」
康仔表示自台灣被捕當日初見安雅後，前晚乃二人第二次見面，他說：「喺呢個地方見到安雅，真係唔係幾好意思呀，不過我同安雅都受咗法律制裁啦！」
而Rosemary與其母前晚亦有到場，Rosemary的母親曾因安雅接受勒戒而不欲女兒與對方來往，前晚Rosemary說：「我諗我媽咪見唔到佢，其實大家都係朋友。」
此外，大生銀行家族成員馬清偉，早前曾被拍下與模特兒Ballia同遊外地的照片，因而傳出緋聞，前晚二人巧合地前後腳蒲蘭桂坊KeeClub。問Ballia可知馬清偉亦在場時，她說：「係咩？唔知喎，我同佢唔熟㗎！」似有意與馬清偉劃清界線。
採訪：顏英儀 攝影：仇志德