《魔戒》迷要留意啦！筆者收到最新消息，《魔戒首部曲：魔戒現身》將會喺今個月推出一個四碟裝嘅「4DVD豪華完整限量珍藏版」！片長可以好肯定咁話畀大家知，足足有208分鐘，當中有30分鐘重未曝光！你話點叫人忍手唔買呢？
話得做「豪華完整」又點可以冇嘢送呢？現知跟碟有一本12頁小冊子，同一個美國進口書架，造型係人族之王的石像，真係幾靚仔！另外，隨碟重有一張連獨立編號嘅掛畫形證書，聽講係亞洲3區碟獨家有㗎！真係幾有珍藏價值。預計呢套碟會喺本月尾推出，售價約二百幾到三百左右，並開始接受預訂。
DIGITALSHOP
電話：23965321
地址：旺角花園街75-77號花園商業大廈9樓903室
《星河戰隊》（$138三區）今個星期出咗一隻全新BonusVersion，佢同舊版最唔同處，係加入咗好多額外收錄片段，例如電影預告片同幕後製作花絮等指定動作！不過最令人有一買嘅衝動，當然係一啲被刪剪嘅片段，估計驚嚇程度相當高！
另外，重有幾套經典好戲今個星期出咗新版，分別係《驚天動地》（$138三區）、《贖金風暴》（$138三區）同《空軍一號》（$138三區），今次佢哋係玩靚聲dts，未買又想買嘅人要留意喇！
發行：洲立影視