無綫花旦葉璇自小移居美國，穿衣風格也趨洋化，喜歡自由、簡單打扮。她表示除非是大日子，否則平日她愛穿T恤牛仔褲，很少着裙。日前她為《蘋果》示範BCBG秋冬系列新裝，盡顯柔情一面。
九九年華裔小姐冠軍葉璇入行三年、獲無綫重用，在近期播映的電視劇《流金歲月》中飾演硬朗警花。日前葉璇示範今年BCBG秋冬系列新裝，盡顯柔情一面。
葉璇小時自杭州移民到美國紐約後，深受美國文化影響，連穿衣的風格都十分洋化，喜歡自由、簡單打扮，她日前接受訪問時說：「我平日打扮好樸素同埋注重實際，例如着T恤牛仔褲就出得街，咁樣可以match番自己嘅年齡，我比較鍾意青春活潑嘅打扮。」
衣着打扮簡單原來另有原因，葉璇說：「我平日拍劇都會有機會着靚衫，有時一組戲都換成六、七套衫，乜嘢靚衫都有機會着，所以平日咪casual啲。其實朋友同埋TVB啲同事個個都知道我性格男仔頭，若果我着裙嘅話，佢哋一定知道嗰日係大日子，例如係生日。」
但葉璇在首飾配襯方面卻一絲不苟，她說：「我好喜歡銀首飾，因為簡單嘅T恤配上銀首飾會好型、好young。」問葉璇是否喜歡shopping？她說：「我買衫都盡量唔喺香港買，因為怕俾人影到相，喺外國shopping會自由啲，首選會係NewYork（紐約）！」葉璇又表示會參考外國雜誌穿衣之道，她說：「我又搵人幫我做image，不過着衫最重要係啱自己嘅性格。」
BCBG2002秋冬系列新裝以「游牧都會時尚」為設計靈感，色調以啡、黑為主。示範過BCBG日裝和晚裝後，葉璇大讚說：「我鍾意mix&match打扮，BCBG啲衫好容易配搭，cutting又好。啲晚裝重可以出席function時着，着起呢啲衫令我更有女人味。」
採訪：JessicaNgan
攝影：ChanChiLam
髮型：IvanLeeofHeadquarters
化妝：DorisMak
場地提供：Headquarters（中環娛樂行）
服裝提供：BCBG