徐濠縈對於男友陳奕迅早前接受台灣電視節目主持人張小燕訪問，指她對生BB一事心情飄忽，她前晚表白，稱會待男友父親的官司告一段落後，才考慮生育一事。
剛從倫敦旅行回來的徐濠縈，前晚往君悅酒店出席「酩悅香檳亞洲時裝設計師雲裳獻禮」舞會，出席者不乏性感女神，包括穿上低胸裝的「雪肌蘭」老闆娘陳細潔、露背裝示人的溫碧霞及台灣富太王美雅等。
早前徐濠縈男友陳奕迅（Eason）接受台灣名嘴張小燕節目《小燕有約》訪問時，曾指女友心情飄忽，一時萌生BB念頭，但當飼養了三頭小狗後，又不再提生BB一事。徐濠縈前晚謂待Eason父親陳裘大的官司完結，便會考慮生BB。
徐濠縈表示首次在倫敦剪髮，可惜效果未如理想，回港後即急急找御用髮型師BenLee補救。談到Eason指她不肯生BB一事，她說：「心情飄忽嘅唔係淨係我，佢（Eason）都係啫，佢都一時話生、一時話唔生，我做女人嘅，幾時都係覺得愈早生BB愈好啦，不過𠵱家可能未係最適當嘅時候，或者等佢爹哋單官司告一段落後，先正式諗呢個問題啦。」
至於其好友謝霆鋒串謀妨礙司法公正罪成但獲得輕判，徐濠縈則說：「懲罰有好多種，唔係吓吓要整死人或者搞到人唔安樂先至叫公道嘅，我就覺得呢個判決好合理喇，佢要履行社會服務令都好啱佢，佢最啱係去探訪啲有問題嘅青少年，可以互相鼓勵吖嘛。不過我作為朋友，都唔贊成佢再揸車，以免累人累己。」
採訪：梁錦雯
攝影：仇志德