約新城電台《恐怖熱線》主持潘紹聰（Edmond）做訪問，滿以為他一定「經驗豐富」，誰知他第一句已經說：「我只有一次撞鬼經驗。」不禁有點失望。但抵達事發地點──Edmond位於西貢銀線灣附近的舊屋，已是晚上6時多。天色昏沉，昏黃的街燈根本照不到甚麼，行人亦不多，偶爾還有黑貓從身邊跳出來，活脫脫是恐怖電影裏的情景。誰想到他突然開口：「呢度叫孟公屋，好多的士佬都叫佢做猛鬼屋。」霎時間，四周彷彿更漆黑……
記者：羅惠芬 攝影：陳穎
做《恐怖熱線》的主持，聽過不少別人的經歷，他說這回印象特別深刻。事情發生在96年。「當年嘉利大廈火警，不少事後發現的屍體都燒得慘不忍睹，需要蓋上棺蓋，不能給親屬瞻仰遺容。一晚，一個在香港殯儀館工作的人獨自一人，突然聽到身旁一具棺木傳來「廓！廓！」聲，好像有人在裏面敲門一樣，敲木聲更愈來愈響，個員工聽到當堂成個人都嚇一跳。就在敲木聲急得好像要爆開之時，個員工將隻手放在棺蓋上，一邊說：『我知你好慘，不過你已經去咗，你都係安息啦！」就在員工講完之時，敲木聲亦即時停止了。」
「已經是兩年前的事。因為要主持晨早節目，所以在早上五點，天還未亮就要出門口。我住頂樓，落樓梯時要轉好幾個彎位，地下有一道鐵閘，由裏面可以望到門外的情況。
有一天清晨，我如常上班，轉至地下最後一個彎時，只差數步就到門口，不經意向上望了一眼，見到一個黑影飛快閃過，我無為意。第二天上班，當我走到差不多同一個位置，又望到閘門外有一個黑影走過。我推門出去，已經不見影蹤。那時我以為是鄰近的住戶，心裏想：『嘩！又有人同我同時間返工嘅？』
第三日，五時出門，那時天還未亮。在走到昨天的彎角時，又見到一個黑影飛過。我心想：『今次點都要睇吓你係邊個！』於是就以極速兩秒走前，拉開門後望出去，點知連一個人影都無。」
這時他心知不妙，無理由連續三日都有人行得咁快，而且每個住戶出門口都要開閘，次次都聽不到開閘聲？由那天開始，每次經過此彎位，他都會耷低頭，匆匆行過，不敢再四圍望。
「一個月後，大約清晨7點幾，我睡在床上，突然間醒過來。我本來面向牆睡，正在轉身向門時，突然看到房門正被推開，就像有人要推門進房一樣。不過對方好似聽到我醒了，就即刻拉番埋道門。我以為是母親來執屋，所以就毫不為意。
不過，等了數分鐘，我依然聽不到房外有任何聲音，心想：『無理由執屋可以咁靜㗎，唔通有賊？』於是就起身，慢慢拉開房門，點知外面成間屋一個人影都無！但係我明明記得自己臨睡前關了所有窗，無可能有風吹郁道門。」
一個人企係度就愈諗愈驚，於是拿拿聲離開，即時找了個師傅問吓。當時成條村都進行緊重建，包括Edmond屋前的一間沒人住舊屋都要拆，四周都是地盤。師傅睇過後，竟然跟他說：「其實一直有啲祖先住喺舊屋內，今次動土令佢哋無地方好住，所以就入咗你間屋避幾日。」Edmond聽到，當堂成個人嚇呆咗，而且驚到唔敢返屋企，即刻搵地方搬。
一向對鬼魅節目敬而遠之，原因只得一個：驚。別人說愈驚愈想聽，我則沒有同感。今次訪問，驚之餘，惟有不停催眠自己：「他所講一切都是假的，全屬古仔，不用怕。」本來一直安然無事。不過，在拍攝完大相後，突然發現相機的設定自己改變了，需要重新拍過。我們一行三人面面相覷，但也硬着頭皮再試一次，幸好今次有驚無險。事後Edmond跟我們說，假如第二次出現同樣情況，他一定不會再試。我不知這是巧合還是其他，只知道，我不想再遇到這種情況。
年齡不限，性別不拘，只要你願意將自己撞鬼的親身經歷公開，兼且現身說法，讓讀者分享感受，歡迎來信簡述你的撞鬼故事。一經採訪及刊登，必予以薄酬。
來信請連同姓名、聯絡電話郵寄「將軍澳工業邨西駿盈街8號蘋果日報副刊『盞鬼運到』玄怪自述收」；或傳真至27420542；或電郵至