大學合併風波繼續熱炒，涉及利益者日嘈夜嘈；八方就好贊成大學要改革。用國際水平睇，香港用一流人工請三流教授培訓出咁多九流學生，都好應該反省吓諗吓計；雖然，合併未必係最好選擇。
講起教育，八方睇今期《壹週刊》訪問樹仁校監胡鴻烈，好感動；但全篇文章冇提過鍾期榮校長，覺得有些少擔心，於是打電話去問一問鍾校長近況。原來冇乜事，上星期佢重坐住輪椅、由兩位助手推去巡班房，用微弱聲線勉勵學生努力。
鍾校長中風前，巡班房係佢慣常工作，病後則再冇咁做，聽見佢「復出」，都好開心。
傳真︰2623-9278
電郵︰