近年先後兩次中風，令五十五歲的康叔，不但喪失工作能力，連自我照顧亦有困難，長時間獨留家中的他，曾試過摔倒險釀成失救意外。有感家居危機四伏，康叔盼望裝設一部平安鐘，惟現時只靠妻子任職清潔工維持家計，實在難以負擔這筆額外開支，惟有等待善長援手。
一直患有血壓高及糖尿病的康叔，在去年及今年兩次不幸中風後，身體變得十分虛弱，加上臉容憔悴，一下子彷彿老了十多年。「𠵱家冇用囉，眼又睇唔到，唔好話行，企多過十五分鐘都唔掂，日日淨係攬住個藥煲做人。」康叔感慨地說。
中風前的康叔，是一名的士司機，在馬路上經常要「一眼關七」，反應可說十分敏捷，但連場大病，導致他行動不便，加上視力受損，難以再重操故業，被迫提早退休。
由於康叔膝下無兒無女，妻子又要上班，以致他經常獨個兒在家中，驚險的事情發生過不少次。「因為雙眼唔好，跌跌撞撞就成日都有發生，最嚴重係有次沖完涼行出廁所，突然間腳軟，跣一跣腳，就成個人撻落地暈咗。當時迷迷糊糊，瞓喺地成個幾鐘頭冇人知，直到我太太放工返嚟，先打999送我入醫院。」
康叔表示，妻子任職清潔工，工作時間頗長，她曾考慮過裝設一部平安鐘，以備不時之需。「有部平安鐘，梗係安心啲啦，有時唔舒服起上嚟，真係行都行唔到去打電話報警㗎。」奈何康叔因經濟困難一直難以如願。
事實上，自康叔出事後，其妻便成為家中唯一的經濟支柱。
然而，她收入微薄，應付了生活基本開支及丈夫的醫療費用之後，已無力再額外負擔安裝平安鐘的費用。康叔現時只好靠妻子每小時致電回家了解他的情況。
「我哋又冇政府資助，覆診、睇中醫、買糖尿病試紙，統統都要自己畀，我老婆搵錢唔多，已經好吃力，重邊度攞到錢幫我裝平安鐘吖！」康叔無奈地說。
為幫助像康叔這類貧困又不符合政府資助裝鐘資格的有需要人士，蘋果日報慈善基金與非牟利機構長者安居服務協會特合作成立「平安鐘專戶」，善長只要捐出二千五百元，便可幫助一位傷殘人士、長者或長期病患者，終生免費享用平安鐘服務。
捐款編號：C0650
暖流熱線
電話:29908688
傳真:23702192
電郵:
網址：