雖然MEGUMI嘅HCup巨胸，曾經俾人話係並非出於自然發展，但係佢的確喺日本撈得好掂，今期日本青年漫畫雜誌《WeeklyYoungJump》，都要搵佢做封面人物。
MEGUMI唔只用佢大過個頭嘅巨胸霸咗成個封面，重專登拍咗唔少性感相。鍾意睇呢類水着照片嘅fans，當然唔買唔得啦。MEGUMI喺輯相入面同班小妹妹嬉戲，佢着住條藍色間條裙係咁俾兩個小妹妹用鉸剪「施暴」，最後條裙「分屍」變成兩位小妹妹嘅服裝，能夠同MEGUMI着埋同一件衫，一定恨死唔少男fans。
不過有少少哨牙嘅MEGUMI，喺本書入面都幾得戚，自以為係阿姐，重以一句起兩句止嘅冇厘頭對答，大談「做靚姐姐嘅條件」，當正自己係國色天香！我大口羅拉就覺得好難頂！