港人北上打工，連大學教授也要向北望，不過唔係搵工，係搵研究資金，而且好成功。中文大學三名教授最近獲得國家「863高科技研究發展計劃」撥款約二百萬元，進行四項高科技研究，佢哋不單止攞到錢做科研，重晉身成為國家級科學家。
「863高科技研究發展計劃」係鄧小平八六年同意成立，為中國開發高科技研究，但一直只畀內地科學家申請，至今年先批准畀非內地中國籍科學家申請，呢幾名教授就係首批攞到經費嘅本港科學家。
四項研究分別係由社會科學院林琿教授主持嘅虛擬地理環境系統；工程學院李文榮教授嘅細胞感應研究；及工程學院劉雲輝教授嘅移動通訊研究同鐵路沿線三維信息研究。
（圖）林琿（左起）、李文榮及劉雲輝成功取得科研貸款。
傳真︰2623-9278
電郵︰