下嫁香港人為妻的Pen姐，雖然離鄉別井達21年，但對家鄉泰國菜仍念念不忘，每天都會煮一味家鄉菜做餸，她最拿手的泰式咖喱豬腩肉，更是丈夫的心頭好。而好客的Pen姐，更會經常招呼親朋戚友及鄰居品嘗，差不多每個星期天都會高朋滿座，正宗的家鄉菜，自然令大家食過翻尋味啦！
記者：陳珮娟
攝影：伍慶泉
讀者示範：讀者余太
來港已21年的Pen姐，丈夫姓余，生了三個兒子，分別20歲、19歲及8歲。她說得一口流利的廣東話，更改了一個中國名字叫莉香。「後生嘅時候覺得泰國男仔好花心，經親戚介紹下認識了現時的老公，覺得佢為人老實，就毅然嫁來香港！記得剛到香港時，思鄉之情在所難免，於是寄情家鄉食品，每天也下廚煮泰國菜，久而久之，就練得一副好身手。」
Simon住喺Pen姐隔籬，「真係口福不淺，Pen姐煮嘅泰國菜好有風味，喺香港嘅泰國餐廳根本食唔到，平均每個星期都會食一餐，自己都有啲唔好意思！」
這一道泰式咖喱豬腩肉，用上味道極濃的泰式咖喱粉及辣椒膏，Pen姐話老公最喜愛，但由於三個兒子不能吃太辣，所以在辣度方面會稍為調低一點。選用椰糖令味道帶點椰香，但又不會太濃烈，若不喜歡椰子味的朋友，可以用片糖取代。
小記試食：香料味跟咖喱味配合恰到好處，豬腩肉又腍又香，不過小記最欣賞其咖喱汁，淨係撈飯都可以食到一碗飯！
材料
豬腩肉 1斤
葱頭、蒜頭 各9粒
咖喱粉 2湯匙
辣椒膏 4湯匙
蝦膏 2湯匙
鹽 少許
椰糖或片糖 2片
薑切厚件 1碟
基本上肉碎包的餡料很隨意，不喜歡吃內臟的朋友，可以只用肉碎做餡。醃料是整碟菜的神髓，只要將香料混和得恰當，便能帶出整碟菜的味道！
小記試食：以多種香料醃過的肉碎非常惹味，但選用豬腸及豬橫脷作為材料，小記就略嫌太過肥膩！
材料
豬肉碎 半斤
辣椒粉 少許
豬腸、豬橫脷 半斤
胡椒粒 10粒
蒜頭 3粒
魚露 適量
辣椒乾、乾香茅、芡西根 適量
番茄豬肉的賣點是酸辣適中，就算小朋友吃也沒有問題，Pen姐話整個菜的做法十分簡單，最啱上班一族，放工返屋企煮嚟食，絕對係快靚正之選！
小記試食：番茄與辣椒膏產生酸酸、辣辣的作用，伴菜或撈飯吃一樣正！
材料
番茄 4隻
辣椒膏 2湯匙
豬肉碎 半斤
魚露、蝦膏 各半湯匙