港大出本晒冷書，原來地鐵主席蘇澤光係大旗手，佢老哥噚日喺本新書嘅記者會上重鬼咁風騷話，喺頭五十年，港大係香港唯一一間大學，所以造就咗好多英雄，而英雄亦造出時勢。
有份參與籌備嘅校友會主席楊紫芝就乘機大讚JackSo好掂，好有領導才能，為咗本書，每個月大家都要碰頭，七嘴八舌，意見多多，但係蘇澤光總係好耐性聽大家講，然後總結拍板。
楊紫芝重爆響口話，睇到報紙知道JackSo否認話要辭職，就真係開心。點解開心？哦！原來楊紫芝有買股票，「咁我啲地鐵股票就唔放住啦！」你睇，Jack真係有擁躉，阿松唔好當佢冇料到。
講咁多擦鞋嘢，原來楊紫芝就係想𠱁蘇澤光做埋港大慶祝一百年本書，Jack笑住話到時去老人院搵佢，咁即係肯唔肯呢？
傳真︰2623-9278
電郵︰