陳加玲前晚身穿超低胸上衣出席時裝展，美好身材呼之欲出，搶盡眾嘉賓及女模的風頭。她表示好身材完全不需依靠市面上的豐胸產品，更直言絕不會嫌胸部太大。
由新昌集團主席葉謀遵的媳婦葉梁美蘭開設的「M16」時裝店，前晚在中環舉行時裝展，出席名人包括陳加玲、傅明憲、胡敏珊及何明懿等。傅明憲前晚拿着一個購自美國的Pucci新款手袋出現，但仍不及一身低胸衫示人的陳加玲搶鏡。
陳加玲透露早前往日本旅行瘋狂購物，身上的超低胸衫便是戰利品之一，該靚衫將其豐滿身材表露無遺，比台上的模特兒更搶鏡，問她是否借助市面上流行的豐胸產品，陳加玲說：「我從來唔信內服、外塗嘅藥品，我咁多年都係keep住食齋同多啲游背泳，好彩咁多年都keep得唔錯。」問她會否嫌胸部過大？她哈哈笑說：「嘩！呢樣嘢冇人嫌大㗎噃。」
至於有沒有擔心過生乳癌這個問題，陳加玲則說：「冇咁快輪到我啩？雖然話𠵱家乳癌年輕化，但係我覺得啲患者多數都係壓力太大，我𠵱家生活好開心，冇乜壓力。」
而傅明憲則透露剛從韓國旅行返港，她說：「真係抹一把汗，我同老公本來諗住去峇里玩嘅，但係去峇里冇直航機，我哋怕麻煩，所以改去韓國囉。」另外，她表示現正籌備其首本小說，她說：「我本小說嘅故事係圍繞住一隻狗醫生㗎。」
採訪：梁錦雯 攝影：林德雄