年屆八十高齡的黃伯無親無故，晚年靠領取微薄綜援金餬口，生活捉襟見肘，一直無力添置雪櫃儲存食物。
黃伯近月獲房屋署分配公屋單位，得以改善居住環境及減輕屋租負擔，但他缺乏雪櫃冷藏食物，生活甚感不便。患腎病氣虛體弱的黃伯皺眉歎道：「我以前租開灣仔區唐樓嘅板間房住，出入買嘢好方便，冇雪櫃擺食物都唔緊要。𠵱家我『上樓』搬咗嚟公屋，地方闊落同企理好多，但呢度唔近街市，我又年紀大，好難再日日行幾條街去街市買餸，如果將買定或者食剩嘅餸菜留過夜，又怕食物變壞！」
黃伯退休前在戲院做「帶位員」，收入僅足應付生計，難有積蓄。黃伯說，如今靠微薄綜援金過活，無論怎樣節衣縮食，也難以儲足近千元添購一部雪櫃存放食物，盼善心人士捐助解困。黃伯表示：「希望有人送部用得嘅細雪櫃畀我，夠我擺食物，又冇咁嘥電，我就心足囉！」
捐款編號：C0720
暖流熱線
電話：29908688
傳真：23702192
電郵：
網址：