與肝癌搏鬥多時的羅文，昨日病情反覆，更曾多次傳出病危消息，令不少圈中好友大表關注。
蓋鳴暉： 我同籮記亦師亦友，佢個人冇架子，我九五年識佢，九八年跟佢學唱歌，我上個月飲茶都有見過佢，佢好瘦。
胡楓： 唔係話過咗重陽就冇事咩？佢都撐咗成年，我自己就覺得做人好化，我化咗好耐，總之食得就食，買得就買。
佘詩曼： 佢對樂壇有好大貢獻，不枉此生啦！我唔想見佢咁辛苦。
譚詠麟： 有冇搞錯，邊個傳啲咁嘅消息出嚟？籮記撐咗咁耐，咁用心咁辛苦，我哋大家應該支持佢，唔應傳啲咁嘅嘢出嚟。
汪明荃： 我頭先打過電話畀肥肥，肥肥話佢未收到消息，籮記重掙扎緊，我覺得佢好勇敢，一路同病魔掙扎。