古天樂：
最辛苦係佢屋企人，其實呢件事都係一個借鏡，畀人睇到父母係關心自己，唔好有事先覺得父母重要。判決公唔公平要問法官，我冇讀過法律。
楊千嬅：
霆鋒始終係細路仔，之前送咗入去十四日都好辛苦。年輕人知錯能改，回饋社會都係一件好事。判決公唔公平呢個問題太過敏感，唔到我講，不過身為香港公民都要相信香港法律。
陳小春：
我有睇新聞，香港法律有自己準則，唔到我出嚟抗議，呢啲留番畀四五行動嘅長毛（梁國雄）去做。就好似有人話小春靚仔，亦都有人話唔靚仔。
何韻詩：
我唔會特別打畀霆鋒慰問，畀佢休息吓先，判得公唔公道各人有各人諗法。總之希望佢大個仔啲，做事唔好咁衝動，唔揸車就最好啦！
陳冠希：
我有打畀霆鋒，佢開心都係當然啦。我唔會問佢監獄嘅嘢，佢都唔會講。我覺得判做社會服務令已經OK，其實佢坐咗兩個星期監已經夠。