昨天買魚時，老闆話有好嘢醒我陳師奶，原來魚檔入到鱲魚的鮮貨。要不是老闆介紹，我都唔知原來平日大多數買到的鱲魚都是養魚，而這些略帶掉鱗的才是真正海魚。海魚價錢雖然比養魚貴（養魚只售二元一両），但味道鮮甜得多，也較珍貴，加上最近當造，值得試試。
屋企兩個化骨龍成日唔肯食生果，搞到我頭都痛埋！最近喺生果檔見到呢種外皮青綠的橙，買咗5個返屋企食，點知又清甜又多汁，連唔食橙嘅仔仔囡囡都肯食。同生果檔老闆娘傾開，先知道呢啲綠皮橙來自新會，𠵱家當造絕對食得過。
入秋之後係番薯的當造期，老闆話紫心番薯最受街坊歡迎，𠵱家啲番薯夠晒甜，買斤煲糖水或者用嚟BBQ都得。