二人組合Shine和李蘢怡（Tiffany）昨日一起到海洋公園，出席「蠍子王魔域迷城真人Show」，與歌迷玩遊戲。對於近日有傳Shine鬧不和兼欲拆夥，他們聽後同聲否認：「梗係假㗎啦！假到唔使回應，我哋冇事發生過，互相了解到好難拆到夥，打風都打唔甩。」
至於成員又南所演出的電影《香港有個荷里活》除角逐金馬獎多項提名外，他亦被提名「最佳新演員」，問是次提名會否為他增加片酬？又南說：「好開心有機會提名，不過我唔知當日可唔可以抽到時間出席，𠵱家公司安排緊。」
此外，Tiffany表示近日忙於拍電影《金雞正傳》，她說：「我近排做雞，為咗套戲嘛！呢套戲成日喺舞廳拍，而我就有睇張曼玉嘅戲同《應召女郎》吸收演技。」