八方噚日見到著有三套《香港街道百年系列》嘅鄭寶鴻，佢話十幾年來到處搜集香港珍貴舊照片，搵到去英、美、澳、加、南非、奧地利，連網上拍賣都唔放過，而呢批照片，閒閒哋都要千多元一張。
鄭寶鴻對香港歷史非常狂熱，對於自己收集嘅舊相，更加係滾瓜爛熟，歷史掌故如數家珍，譬如中環德輔道中嘅德榮大押，佢話係建於四○年代，由「押業大王」高可寧家族持有，女星葛蘭就係嫁畀高可寧五子高福全。八方每次經過恒生銀行總行門口，都會望望對面呢間古色古香嘅押舖。今次鄭先生一次過將書中嘅相片在中環三聯書局展出，想睇就要快手啦。
（圖）德輔道中德榮大押嘅老闆高可寧五子高福全和影星妻子葛蘭。
傳真︰2623-9278
電郵︰