香港大學為慶祝九十周年校慶，班校友不計人力物力，用了兩年時間去搜集資料同相片，終於完成一本記載港大九十年傳承故事嘅書，叫做《GrowingwithHongKong》，《與香港一起成長》。
八方噚日先睹為快，大家可否想像到一間咁歷史悠久嘅學府有幾多威水校友，又創咗幾多個第一嘅紀錄？
港大肯定係香港第一間大學，成立於1911年，當時八方同大部份讀者都未出世。
港大又係第一所搞合併嘅大學，一開始就把1887年創校嘅香港西醫書院吞併，連國父孫中山也變成港大畢業生，李國章當時都唔知喺邊。
港大畢業生有成九萬人，又係全港之冠。
要數班威水校友，用四百頁紙梗係數唔晒，淨係文化界，就出咗寫《傾城之戀》嘅張愛玲；詩人黃國彬，小思，林燕妮都係「港大人」；演藝界最出名嘅梗係許冠傑同黃霑啦。
重有，港大一九六七年搞過一次港大之花MissHKU選美，勝出嘅楊詠嫻𠵱家已為人師表。當時選美梗係好轟動，但係後來因為暴動，經濟不景，連班大學生都變得憂國憂民，無再搞呢類活動。
傳真︰2623-9278
電郵︰