謝霆鋒前日被當庭釋放，審訊結果是否公正成為全城熱話，英皇亦趁此機會，推出霆鋒首本寫真集，收錄了其成長過程和出道五年來不同階段的相片，似乎想幫補一吓龐大的律師費。
謝霆鋒串謀妨礙司法公正案罪成，前日審結，被判罰二百四十小時社會服務令，當庭釋放。霆鋒所屬的英皇即趁機推出霆鋒的首本寫真集《從前以後》，寫真集將於下周一（二十一日）面世。有傳霆鋒今次花了七百萬打官司，相信此寫真可替其「幫補吓」。
寫真集輯錄了霆鋒出道五年來不同階段的相片，其中不少是唱片公司助手拍的相片，亦有MV和雜誌訪問的相、廣告相、霆鋒小時候成長過程和全家福等，有一張是霆鋒坐在沙灘上，露出一對飛毛腿，封底更有霆鋒露股罅的相片。
而霆鋒前日獲當庭釋放後，他跟父母返回山頂裕景花園寓所，老闆楊受成和大律師清洪等亦去了霆鋒寓所慶祝。晚上十一時左右，一架落了窗簾的保母車在霆鋒寓所出入兩次，未能見到內裏的乘客是何許人。
記者昨日致電謝賢，問他霆鋒前晚是否有會栢芝，四哥十分客氣地說：「我唔回應啦，因為我想低調啲，將來有機會先同你講啦！」拉姑的手提電話則仍然是留言信箱，而霆鋒昨日則整日留在家中。
此外，沈殿霞昨日在電視城說：「噚日我都有同拉姑通電話，拉姑好開心重喺電話度喊到收唔到聲。天下父母心，仔女大咗要聽話。如果覺得個官輕判就多鬼餘，坐咗兩個禮拜重唔夠呀？叫佢哋自己去坐啦，火都滾，離晒譜，不過多謝法官明察秋毫。」
採訪：胡比、何永寧