我Apple姐發覺香港地真係愈嚟愈少人注重天倫樂，成日聽啲妹妹仔不時話去蒲吧、去𠝹仔，真係聽見都心傷！ 不過凡事都有例外嘅，我早排經過中環華人行，喺鄭裕彤間周大福門口，遇見不施脂粉嘅靚女牙醫明美連，見佢蹺住個矮過佢嘅男人行街，我梗係即刻睇真啲係邊個嚟啦。 蹺手行街 原來係佢老竇明嘉福嚟嘅，兩父女鬼咁好感情，企喺櫥窗度對住啲首飾指指點點，不過就齋睇冇幫襯，轉頭兩父女繼續行街街。嗱！咁大個女都蹺住老竇行街，我覺得咁樣好溫馨呀。