鬼佬Bar場搞LadiesNight，非我族類好玩有限？非也。
原來香港夜蒲女一樣愛蒲鬼佬吧，逢LadiesNight必到、逢到必早的Natasha說：「免入場費、有舞跳、有免費酒飲都只不過係指定動作啫，最過癮係由呢個月開始，逢星期三都有成班着住蘇格蘭裙的Waiter任我抽水，叫佢錫我又得、抱我又得、揭佢條裙都得，名副其實LadiesNight，女仔大晒！」
記者：陳彩記 攝影：Jacky
姓名：羅雪兒（Natasha）
年齡：秘密
三圍：34C?2?4
夜蒲：1星期至少4晚
星期一至星期七，灣仔一樣愈夜愈熱鬧，「鬼」聲鼎沸，無上裝酒吧、鬼佬Bar場「鬼」影幢幢。但逢星期三情況就有點不同，因為其中一間酒吧JoeBanana有個「LadiesNight」，排隊免費進場的不止鬼妹，還有很多在旺角、尖嘴、銅鑼灣蒲開的「陀地妹」（本地女孩）。
不過，事實上免入場費不一定吸引到女仔入場，LadiesNight亦非甚麼新搞作，但自封「超級蒲精」的Natasha卻最愛這天來蒲：「第一，鬼佬吧唔係Fing頭場，唔似得油尖旺嘅所謂Disco咁，烏煙瘴氣，周不時打交；第二係新鮮感，成場都係高大威猛嘅鬼仔，你着得Sexy啲，又唔係超級大豬扒嘅話，總有鬼仔過嚟主動𠝹你，撩你傾偈、跳舞、飲酒，言語上溝唔溝通到都唔重要，身體語言可以搭夠，你識跳舞就得嘞，俾鬼仔𠝹喎，幾有滿足感！」
事實上，這間吧也有他們的煞食噱頭，今個月的LadiesNight就有Waiter穿着蘇格蘭格仔裙，裏面再加條海綿製大笨象底褲，紅色的象鼻左搖右擺，性感惹笑，Natasha滿場飛，一見WaiterGeoff經過就拉着他，揭裙底逗象鼻：「從來只有男人揭女人裙底，今次輪到女人奉旨抽水，你話過唔過癮先？」揭完裙，Natasha還諸多要求，先來個騎膊馬，WaiterAxel就揹着她走入舞池，引得在場蒲友尖叫歡呼；跳完舞，又向Geoff索吻，又死纏爛打要抱抱。「班Waiter好玩得，簡直有求必應，你要玩得幾癲佢哋都玩得起。唔使錢又有靚仔攬，夜蒲女咪鍾意呢樣嘢囉！你夠薑嘅話，重可以過Bar枱玩灌酒㖭，不過我飲唔起，睇人玩算咯！」
Waiter會周不時走近你身邊說：「Igiveyoufun！」說罷掀起那條極似枱布的蘇格蘭裙，任你搓、揸、揑、摸那條搶眼象鼻，放心！象鼻海綿製，不屬於Waiter身體任何一部份，絕對樂而不淫。
場中可依偎的胸膛多的是，你出到聲，一定抱起你，三兩下手勢你已經躺在Waiter臂彎，很多夜蒲女也喜歡一嘗給鬼佬抱抱的感覺。
夜蒲女被仔𠝹就𠝹得多，主動𠝹仔又如何？少憂心，在這裏𠝹仔成功率高達百分百，想錫佢又好，想佢錫你又好，出聲就得嘞，至驚你怕醜唔敢開口啫。
自問飲得的，可要求玩灌酒，同樣免費，頭一仰，兩支酒柱就直灌喉頭，爽！四周歡呼聲此起彼落，乜彩都攞晒啦！
時間：逢周三下午6時至凌晨3時，若氣氛熱鬧會延長營業時間
地點：JoeBanana（灣仔盧押道23號）
查詢：25291811
收費：女士免入場費，先包一杯自選飲品，另有13款酒任飲，包括Whiskey、Ging、Wodka、Rum、Sosters、Subzero、Hennesy等，其他支裝啤酒$54。
男士入場費$100包一杯自選飲品。